Ва ўкраінскім горадзе да дактароў звярнуліся пяць вернікаў царквы, якую наведвала жанчына, што памерла ад каранавіруса
Ва ўкраінскім мястэчку Радомышль да лекараў звярнуліся пяцёра вернікаў царквы, якую наведвала жанчына, што памерла ад каранавіруса. Пра гэта паведамілі ў мясцовай бальніцы, у якую і звярнуліся людзі, перадае УНІАН.
Да медыкаў з высокай тэмпературай звярнуліся пяцёра прыхаджан, якія маліліся ў царкве, якую таксама наведвала памерлая ад каранавіруса жанчына.
Па словах лекараў, тры чалавекі ўжо знаходзяцца на самаізаляцыі, а ў дачыненні да яшчэ двух — гэтае пытанне вырашаецца.
Медыкі не выключаюць, што і гэтых хворых прыйдзецца ізаляваць. Таксама ўжо ізалявалі лекараў, якія аглядалі хворую на каранавірус.
У пятніцу, 13 сакавіка, ва Украіне была зафіксавана першая смерць ад каранавіруса. Памерла жанчына з Радомышля Жытомірскай вобласці.
Радомышль — мястэчка за 60 кіламетраў ад беларуска-ўкраінскай мяжы.
Чытайце таксама: Ва Украіне першая смерць ад каранавіруса. Жанчына не адразу звярнулася да дактароў і хадзіла ў царкву
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»4
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1212
Каментары