Украінскі міністр пра каранавірус: Неўзабаве меры абмежаванняў будуць яшчэ больш жорсткімі
Міністр унутраных спраў Украіны Арсен Авакаў заявіў, што, магчыма, неўзабаве меры абмежаванняў праз каранавірус ва Украіне будуць яшчэ больш жорсткім. Пра гэта Авакаў напісаў на сваёй старонцы ў Facebook.
«Усё досыць сур'ёзна — трэба дзейнічаць. Сабрана і рашуча — не адцягваючыся на глупствы. Будзем дзейнічаць хутка, зладжана і рашуча — скароцім смяротнасць ад уздзеяння віруса ў дзясяткі разоў!» — напісаў Авакаў.
Галоўнай задачай ён назваў хуткае запаволенне распаўсюджвання віруса ва Украіне, мінімізацыю крыніц віруснай паразы, кваліфікаванае лячэнне хворых.
Авакаў заклікаў да гігіены, максімальнай ізаляцыі ў гэтыя дні і мінімізацыі кантактаў сярод людзей.
Нагадаем, раней каранцін увялі ва ўсіх рэгіёнах Украіны.
Ён прадугледжвае:
— закрыццё навучальных устаноў,
— забарону масавых сходаў,
— закрыццё дзяржаўнай мяжы і іншае.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»
Каментары