Жыхар Мінскага раёна ў канцы мінулага года ў адной з сацыяльных сетак пазнаёміўся з двума мужчынамі. У ходзе перапіскі ён прасіў суразмоўцаў выслаць яму іх фатаграфіі ў аголеным выглядзе, паведаміць нумары тэлефонаў, а потым дамаўляўся пра сустрэчу, пішуць «Мінск-навіны».
Пры асабістай сустрэчы з мужчынамі малады чалавек прадстаўляўся супрацоўнікам аднаго са сталічных РУУС і пагражаў прыцягнуць іх да крымінальнай адказнасці з выкарыстаннем нібыта наяўных у яго службовых паўнамоцтваў і сувязяў, а таксама распаўсюдзіць інтымныя і іншыя звесткі, якія пацярпелыя жадалі захаваць у таямніцы. У далейшым ілжэміліцыянт патрабаваў у іх грошы за нібыта не прыцягненне да крымінальнай адказнасці і захаванне ў таямніцы звестак. Агульная сума шкоды перавысіла 1 100 рублёў.
У 2018 годзе абвінавачаны ўжо быў судзімы за аналагічныя злачынствы.
Каментары