Галоўны трэнер БАТЭ Кірыл Альшэўскі пасля ўчорашняга матча з «Рухам» (1:0) падзяліўся меркаваннем пра тое, ці варта прыпыняць чэмпіянат з-за каранавіруса, паведамляе pressball.by.
— 300 чалавек на матчы дома. Для каго гуляць? Можа, варта прыпыніць чэмпіянат?
— Мы гулялі і для кожнага з тых, хто назіраў за матчам з боку. Мая пазыцыя?.. Нічога няма даражэйшага за чалавечае здароўе і жыццё. Калі ёсць пагроза, трэба рэагаваць. Але мы людзі ў некаторым родзе паднявольныя і не можам проста адмовіцца выходзіць на поле. Самы вялікі груз адказнасці нясуць медыкі, ім вялікі рэспект. Не заўсёды гэта прыводзіць да шчаслівага выніку. Нам застаецца толькі гуляць і прыносіць станоўчыя эмоцыі.
— Ці напружвае невыразная сітуацыя з еўракубкамі? Яны ж крыніца фінансаў…
— Застаецца толькі сачыць і рэагаваць на падзеі. Усё ў роўных умовах. Таму скардзіцца не зусім правільна, — сказаў Альшэўскі.
Каментары