Мінздароўя патлумачыла, чаму словы Караніка і абласнога кіраўніцтва адрозніваюцца ў разы
Як разгортваецца сітуацыя з каранавірусам у Докшыцах і Бешанковічах?
«У Докшыцкім раёне зафіксавалі 72 выпадкі каранавіруса, Бешанковіцкім — 27, Лёзненскім — 22». Гэта заявіў начальнік галоўнага ўпраўлення па ахове здароўя Віцебскага аблвыканкама Міхаіл Вішнявецкі падчас пасяджэння абласнога штаба.
А вось дакладныя словы міністра аховы здароўя Уладзіміра Караніка ў той жа дзень на брыфінгу:
«Па Асіповічах зарэгістравана 32 лабараторна пацверджаныя выпадкі каранавіруснай інфекцыі… Што тычыцца Мядзельскага раёна, 65 пацверджаных выпадкаў. 25 выпадкаў — жыхары раёна, астатнія — прыезджыя. Цяжкіх выпадкаў сярод пацыентаў не выяўлена.
…У Докшыцах колькасць пнеўманій вышэй, чым у сярэднім у іншых раёнах. І колькасць пацыентаў з пацверджанай каранавіруснай інфекцыяй… Па Докшыцах — зараз дакладна скажу, каб не схлусіць (шукае паперы) — гэта 20 пацыентаў з лабараторна пацверджанай каранавіруснай інфекцыяй. Бешанковічы — 7 пацыентаў, ніхто з іх на ШВЛ не знаходзіцца. Лёзна — 8 пацыентаў, таксама без цяжкіх пнеўманій, без ШВЛ. У Докшыцах два чалавекі атрымліваюць дапаможную вентыляцыю лёгкіх».
Чытайце. Лічбы Мінздароўя па каранавірусе ў Докшыцах і Бешанковічах у 3-4 разы разыходзяцца з лічбамі, названымі кіраўнікамі вобласці
Як можна патлумачыць разбежку у колькасці выпадкаў каранавіруса ў Докшыцах ад 20 да 72?
«[72] — гэта носьбіты віруса, а міністр назваў каранавірусныя пнеўманіі», — напісала ў журналісцкім вайбер-чаце прэс-сакратарка Міністэрства аховы здароўя Юлія Барадун.
Чаму міністр назваў колькасць каранавірусных пнеўманій «пацыентамі з лабараторна пацверджанай каранавіруснай інфекцыяй», застаецца незразумелым.
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары