вызвалены ад уплаты падаткаў і пошлін
Аляксандр Лукашэнка 4 красавіка падпісаў указ № 175 "Аб мерах па развіцці вытворчасці легкавых аўтамабіляў".Як паведамляе прэс-служба прэзідэнта, дакумент падпісаны "у мэтах прыцягнення ў Рэспубліку Беларусь замежных інвестыцый у стварэнне вытворчасці легкавога аўтатранспарту".
Згодна з указам,
"юрыдычныя асобы, якія заключылі з Міністэрствам прамысловасці пагадненне аб умовах вытворчасці легкавых аўтамабіляў, будуць на працягу трох гадоўвызвалены ад вылічэння і выплаты падатку на прыбытак, акцызаў, збору ў рэспубліканскі фонд падтрымкі вытворцаў сельскагаспадарчай прадукцыі, харчавання і аграрнай навукі ў частцы аб'ёмаў вырабленых легкавых аўтамабіляў і аўтакампанентаў уласнай вытворчасці і іх рэалізацыі".
Апрача таго, на перыяд дзеяння гэтага пагаднення (да 10 гадоў пры ўмове арганізацыі юрыдычнай асобай зваркі, афарбоўкі і зборкі кузава) вытворцы легкавых аўтамабіляў не будуць выплачваць увазныя мытныя пошліны і падатак на дададзены кошт пры змяшчэнні пад мытны рэжым свабоднага абарачэння тэхналагічнага абсталявання і аўтакампанентаў, што ўвозяцца на мытную тэрыторыю Беларусі для вытворчасці легкавых аўтамабіляў.
Як зазначылі ў прэс-службе, "указ скіраваны на развіццё ў краіне зборачных вытворчасцяў легкавых аўтамабіляў і прадугледжвае стварэнне ў рэспубліцы канкурэнтаздольных умоў для арганізацыі вытворчасці легкавых аўтамабіляў у параўнанні з існуючымі ўмовамі працы ў свабодных эканамічных зонах Беларусі, а таксама ў Расійскай Федэрацыі".
Нагадаем, са жніўня 2006 года ў Беларусі вядзецца зборка іранскіх аўтамабіляў "Саманд". Сёння гэта адзіная зборачная вытворчасць легкавых аўтамабіляў у краіне.
Цяпер чытаюць
Лукашэнка: Хутка 4 мільёны працоўных сагнуцца, на карачкі стануць, і мы не зможам ім нармальны заробак плаціць28
Каментары