Сусветны банк выдзеліў Беларусі 90 мільёнаў еўра на барацьбу з COVID-19
Сусветны банк зацвердзіў выдзяленне для Беларусі пакета фінансавай дапамогі на 90 млн еўра для ўмацавання нацыянальнай сістэмы аховы здароўя на фоне пандэміі COVID-19, паведаміла прэс-служба прадстаўніцтва СБ у Беларусі, піша Інтэрфакс.
«Гэты праект дапаможа выратаваць жыцці беларусаў за кошт забеспячэння сістэмы аховы здароўя неабходным абсталяваннем», — заявіў кіраўнік прадстаўніцтва СБ у Беларусі Аляксандр Крэмер.
Пры гэтым ён падкрэсліў, што «праект прынясе максімальныя вынікі ў спалучэнні з мерамі сацыяльнага дыстанцыявання, уключаючы перанос масавых мерапрыемстваў, скарачэнне фізічнай прысутнасці на працоўным месцы і ў навучальных установах, а таксама абмежаванне неабавязковых перасоўванняў людзей». «Усе гэтыя меры дапамогуць знізіць смяротнасць і змякчыць эканамічныя наступствы ў доўгатэрміновай перспектыве. Чым раней мы іх рэалізуем, тым лепшымі будуць вынікі ў выратаванні чалавечых жыццяў і захаванні сродкаў да існавання», — дадаў Крэмер.
У паведамленні адзначаецца, што сродкі СБ дапамогуць задаволіць неадкладныя патрэбы сістэмы аховы здароўя ў медыцынскім абсталяванні, вырабах медыцынскага прызначэння і навучанні персаналу для вядзення выпадкаў інфекцыі COVID-19 цяжкай ступені, у тым ліку з дапамогай забеспячэння сучаснымі апаратамі ШВЛ, абязбольваючымі сродкамі і антыбіётыкамі, а таксама сродкамі індывідуальнай абароны для работнікаў арганізацый аховы здароўя.
Бабарыка тры хвіліны адказваў на пытанне, чый Крым. Так і не адказаў89
Каментары