Валерый Цапкала з жонкай паставілі подпіс за Ціханоўскую ФОТАФАКТ
Патэнцыйны кандыдат у прэзідэнты Валерый Цапкала разам з жонкай Веранікай паставілі подпіс за Святлану Ціханоўскую.
«У беларускага народа павінен быць, як на рынку, выбар, каб ён мог абіраць», — сказаў Цапкала, папрасіўшы паставіць подпіс без чаргі, бо едзе на сустрэчу з людзьмі ў Гомель. Пра гэта паведамляе тэлеграм-канал «Беларусь галаўнога мозгу».
«Мы хочам усе памяняць Беларусь», — сказаў Цапкала і дадаў, што ён за тое, каб на пасадзе прэзідэнта можна было быць максімум два тэрміны. «Які б ты добры ні быў, два тэрміны — і давай, да пабачэння!»
На пытанне, ці не баіцца ён анансавага ўчора Лукашэнкам кампрамату, Цапкала махнуў рукой: «Хай публікуе».
Цяпер чытаюць
Выйшаў на свабоду былы топ-журналіст АНТ Дзмітрый Семчанка2
Каментары