«Мы даем кропку апоры, каб ты мог перавярнуць краіну!»
У пятніцу адбудзецца пачатковы тэст‑набор на курсы Ды‑джэяў Адраджэння.
У пятніцу адбудзецца пачатковы тэст‑набор на курсы Ды‑джэяў Адраджэння.
10 красавіка ў Мінску ў 18.45 на Ўправе Партыі БНФ (Машэрава, 8) пройдзе тэставанне тых, хто хоча прайсці адмысловую элітную праграму, каб стаць сапраўдным адраджэнцам.
Курсы Ды‑Джэяў Адраджэння — гэта элітная праграма для шматбаковага экстрым‑кшталтавання новаадроджаных беларусаў любога ўзросту, якая дапаможа больш эфектыўна і мэтанакіравана ажыццяўляць сваё пакліканне на глебе Адраджэння.
Курс пачынаецца вызначэннем асабістага беларускага IQ з дапамогай гадзіннага тэсту на 100 пытанняў з усіх сфераў, вызначальных для эфектыўнага адраджэнца. Колькасьць балаў па выніках тэставання дае базавы ўзровень прэтэндэнта, які падвышаецца праз актыўны удзел у выпрабаваннях на наступных узроўнях, паведаміла прэсавай службе аргкамітэту Беларускай Хрысьціянскай Дэмакратыі актывістка БХД Наталля Васілевіч, якая будзе весці курсы. Яна змяніла на пасадзе вядоўцы Павала Севярынца, які заснаваў курсы Ды‑Джэяў Адраджэння 10 год таму.
Тэарытычная падрыхтоўка складаецца з 5 заняткаў, дзе прадстаўляецца духоўная база Адраджэння, прэзентуецца падбор топавых напрацовак і ведаў у галіне лідэрства і інфармацыйных тэхналогіяў, прапануюцца эфектыўныя тэхнікі планавання, псіхалагічная арыенціроўка.
Падчас курсаў ажыццяўляецца дапамога ў паступовым практычным авалоданні прадстаўленымі тэарэтычнымі ведамі. Спачатку ў «кабінетных» умовах, але не абыйдзецца і без «выхаду ў адкрытае мора» — практычнай часткі, выпрабаванні якой маюць інтрыгуючыя назвы: «Высадка з дэсантам», «Шоў Беларушчыны», «Штурм СМІ». Гэтыя выпрабаванні праводзяцца з штурманскай кансультацыйна‑назіральнай падтрымкай ды‑джэяў «са стажам».
У фінале толькі 12 лепшых здолеюць перасягнуць мяжу і ўвайсьці ў склад элітарнага ордэну Ды‑Джэяў Адраджэння.
Ды‑Джэйскія курсы — гэта 10 тыдняў, якія зэканомяць мінімум 2 гады самастойных высілкаў, дапамогуць умацаваць падмурак свайго паклікання, сфармаваць бачанне і згуртавацца з аднадумцамі і паплечнікамі.
Мы даем кропку апоры, каб ты мог перавярнуць краіну! Беларусь чакае цябе!
Прамова гэтага мінскага выпускніка на лінейцы ў 2020-м узарвала інтэрнэт. Што з хлопцам цяпер?2
Каментары