«My dajem kropku apory, kab ty moh pieraviarnuć krainu!»
U piatnicu adbudziecca pačatkovy test‑nabor na kursy Dy‑džejaŭ Adradžeńnia.
U piatnicu adbudziecca pačatkovy test‑nabor na kursy Dy‑džejaŭ Adradžeńnia.
10 krasavika ŭ Minsku ŭ 18.45 na Ŭpravie Partyi BNF (Mašerava, 8) projdzie testavańnie tych, chto choča prajści admysłovuju elitnuju prahramu, kab stać sapraŭdnym adradžencam.
Kursy Dy‑Džejaŭ Adradžeńnia — heta elitnaja prahrama dla šmatbakovaha ekstrym‑kštałtavańnia novaadrodžanych biełarusaŭ luboha ŭzrostu, jakaja dapamoža bolš efiektyŭna i metanakiravana ažyćciaŭlać svajo paklikańnie na hlebie Adradžeńnia.
Kurs pačynajecca vyznačeńniem asabistaha biełaruskaha IQ z dapamohaj hadzinnaha testu na 100 pytańniaŭ z usich śfieraŭ, vyznačalnych dla efiektyŭnaha adradženca. Kolkaść bałaŭ pa vynikach testavańnia daje bazavy ŭzrovień pretendenta, jaki padvyšajecca praz aktyŭny udzieł u vyprabavańniach na nastupnych uzroŭniach, paviedamiła presavaj słužbie arhkamitetu Biełaruskaj Chryścijanskaj Demakratyi aktyvistka BCHD Natalla Vasilevič, jakaja budzie vieści kursy. Jana źmianiła na pasadzie viadoŭcy Pavała Sieviarynca, jaki zasnavaŭ kursy Dy‑Džejaŭ Adradžeńnia 10 hod tamu.
Tearytyčnaja padrychtoŭka składajecca z 5 zaniatkaŭ, dzie pradstaŭlajecca duchoŭnaja baza Adradžeńnia, prezientujecca padbor topavych napracovak i viedaŭ u halinie liderstva i infarmacyjnych technałohijaŭ, prapanujucca efiektyŭnyja techniki płanavańnia, psichałahičnaja aryjenciroŭka.
Padčas kursaŭ ažyćciaŭlajecca dapamoha ŭ pastupovym praktyčnym avałodańni pradstaŭlenymi tearetyčnymi viedami. Spačatku ŭ «kabinietnych» umovach, ale nie abyjdziecca i biez «vychadu ŭ adkrytaje mora» — praktyčnaj častki, vyprabavańni jakoj majuć intryhujučyja nazvy: «Vysadka z desantam», «Šoŭ Biełaruščyny», «Šturm ŚMI». Hetyja vyprabavańni pravodziacca z šturmanskaj kansultacyjna‑naziralnaj padtrymkaj dy‑džejaŭ «sa stažam».
U finale tolki 12 lepšych zdolejuć pierasiahnuć miažu i ŭvajści ŭ skład elitarnaha ordenu Dy‑Džejaŭ Adradžeńnia.
Dy‑Džejskija kursy — heta 10 tydniaŭ, jakija zekanomiać minimum 2 hady samastojnych vysiłkaŭ, dapamohuć umacavać padmurak svajho paklikańnia, sfarmavać bačańnie i zhurtavacca z adnadumcami i paplečnikami.
My dajem kropku apory, kab ty moh pieraviarnuć krainu! Biełaruś čakaje ciabie!
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy6
Kamientary