Адміністратар суполкі «Мая краіна Беларусь» расказаў падрабязнасці свайго ад'езду з Беларусі
Учора стала вядома, што адміністратар тэлеграм-канала «Мая краіна Беларусь» Сяргей Бяспалаў пакінуў тэрыторыю краіны. Сёння падчас стрыму на ютубе ён расказаў падрабязнасці свайго ад'езду.
Як паведаміў Бяспалаў, 26 чэрвеня да яго прыйшлі невядомыя. Гаспадыні дома ў Зацані, дзе ён арандуе кватэру, паведамілі, што на арандатара заведзена крымінальная справа. Дзякуючы таму, што аўтамабіль Бяспалава быў прыпаркаваны ў іншым месцы, ён пазбегнуў сустрэчы з незнаёмцамі. Гаспадыні дома яны паабяцалі вярнуцца ўвечары.
Блогер пакінуў арэнднае жыллё і знайшоў людзей, якія перавезлі яго праз мяжу ў Маскву. Пазней ён паляцеў у адну з еўрапейскіх краін.
Пасля яго ад'езду ў кватэры правялі ператрус.
Актывіст запэўнівае, што не збіраецца прасіць палітычнага прытулку і плануе вярнуцца ў Беларусь да 9 жніўня.
Бяспалаў падазрае, што інцыдэнт 26 чэрвеня можа быць звязаны са справай адміністратара канала «Беларусь галаўнога мозгу» Ігара Лосіка.
Цяпер чытаюць
Гурт «Дразды» пакідае сцэну і вінаваціць у гэтым «гіперактыўных блогераў»3
Каментары