Украіна верне пад свой кантроль усе непадкантрольныя цяпер тэрыторыі і людзей, якія там жывуць, — гэтак жа, як у свой час вярнула з палону ўкраінскіх маракоў і іх караблі. Пра гэта заявіў прэзыдэнт Украіны Ўладзімер Зяленскі, выступаючы 5 ліпеня ў Адэсе на ўрачыстасьцях з нагоды дня вайскова-марскога флёту Ўкраіны, піша «Радыё Свабода».
Зяленскі нагадаў, што 5 ліпеня — шостая гадавіна пераходу гарадоў Славянск і Краматорск у Данецкай вобласьці пад кантроль украінскіх сілаў. У ноч на 5 ліпеня 2014 са Славянску сышлі падразьдзяленьні сэпаратыстаў, якіх падтрымлівала Расея і якімі камандаваў грамадзянін РФ, былы палкоўнік ФСБ Ігар Стралкоў (Гіркін).
Гаворачы пра караблі, Зяленскі меў на ўвазе тры караблі ВМФ Украіны, затрыманыя расейскімі памежнікамі ў лістападзе 2018 году каля анэксаванага Крыму, і іх экіпаж. Маракі вярнуліся на радзіму летась пасьля абмену паміж Украінай і Расеяй, пазьней Расея вярнула караблі.
«Мы вернем усіх нашых людзей, вернем усе нашы тэрыторыі. Вернем веру ў праўду і справядлівасьць. Мы вернем мірную, непадзельную, магутную і непераможную Ўкраіну», — сказаў Зяленскі.
Прэм’ер-міністар Украіны Дзяніс Шмыгаль і міністар унутраных спраў Арсэн Авакаў у гэтую гадавіну наведалі Славянск з амбасадарамі некаторых еўрапейскіх краінаў.
У інтэрнэт злілі перапіску Кавалеўскага і Ціханоўскай. Але канцоў не знайсці31
Каментары