Расія, меркавана, спрабавала паўплываць на парламенцкія выбары ў Брытаніі, публікуючы здабытыя несумленным шляхам канфідэнцыйныя дакументы, заявіў міністр замежных спраў Дамінік Рааб. У той жа час спроб шырокамаштабнага ўмяшання брытанскі ўрад не выявіў, паведамляе BBC.
«Па выніках уважлівага аналізу ўрад Брытаніі прыйшоў да высновы, што расійскія суб'екты амаль сапраўды спрабавалі ўмяшацца ў парламенцкія выбары ў 2019 годзе шляхам распаўсюджвання анлайн незаконна здабытых або атрыманых шляхам уцечак урадавых дакументаў», — паведаміў Дамінік Рааб у апублікаваным у чацвер пісьмовым адказе на запыт дэпутатаў Палаты грамад.
Гаворка ў заяве Рааба ідзе пра публікацыю пратаколаў сустрэч прадстаўнікоў брытанскага ўрада і адміністрацыі прэзідэнта ЗША Дональда Трампа ў 2019 годзе. На гэтых сустрэчах абмяркоўваўся будучы дагавор аб свабодным гандлі, які бакі маюць намер заключыць, калі Брытанія канчаткова выйдзе з ЕС, і ў тым ліку аб доступе амерыканскіх кампаній на рынак закупак брытанскай дзяржаўнай сістэмы аховы здароўя, NHS.
Дакументы з'явіліся ў сетцы ў кастрычніку мінулага года, але шырока вядома пра іх стала ў лістападзе, калі лідар апазіцыйнай Лейбарысцкай партыі Джэрэмі Корбін прадэманстраваў іх на дэбатах з прэм'ер-міністрам Борысам Джонсанам і заявіў, што ўрад Джонсана «хоча прадаць NHS амерыканцам».
Масква адмаўляе сваю датычнасць да ўцечак.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў4
Трамп заявіў, што ідуць перамовы пра вызваленне яшчэ 50 беларускіх палітвязняў
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1212
Каментары