У Салігорску муж чакаў незалежную назіральніцу ў фае школы — і атрымаў 15 сутак
Кацярына Чудакова з Салігорска — незалежная назіральніца. Яна акрэдытавалася на ўчастак №14. Разам з яшчэ двума назіральнікамі яны дзяжурылі па чарзе.
«Мая матывацыя была ў цікавасці «як усё праходзіць» і «я не веру, што настаўнікі робяць усё, што пра іх пішуць у сеціве», — дзеліцца дзяўчына.
Пасля пару дзён дзяжурства і бачання рэальнай карціны яна была на мяжы нервовага зрыву.
6 жніўня ўвечары яна прыйшла падмяніць іншую назіральніцу. Аднак прабыла нядоўга — у школе пахла фарбай, і Кацярыне стала дрэнна. Яна папрасіла мужа Аляксандра, які ў той час быў на вуліцы каля ўчастка, пачакаць яе ў фае, пакуль яна з'ездзіць дадому ў прыбіральню. Пакінула яму ліст для падліку выбаршчыкаў. Муж застаўся сядзець перад турнікетам.
Калі Кацярына вярнулася, убачыла, як Аляксандра выводзяць з участка тры мужчыны ў форме.
На відэа, якое паспеў зняць муж, бачна як яго просяць пакінуць школу «на падставе закона».
«Грамадзянін перашкаджае правядзенню выбараў. Тут прапускны рэжым. Ён не выбаршчык, проста тут знаходзіцца», — кажа на запісе адзін з міліцыянтаў.
Аляксандр адмовіўся сыходзіць і папрасіў патлумачыць, чаму яму тут нельга быць. Пасля гэтага яго затрымалі за непадпаракаванне органам і павезлі ў аддзел міліцыі.
На наступны дзень прайшоў суд. Мужчыну далі 15 сутак па артыкуле 23.4 КаАП (Непадпарадкаванне законнаму распараджэнню ці патрабаванню службовай асобы).
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін3
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1616
Каментары