На беларуска-расійскіх манеўрах пад Брэстам задзейнічалі верталёты і артылерыю
Расійскія і беларускія падраздзяленні на палігоне «Брэсцкі» недалёка ад мяжы з Польшчай ужылі верталёты і артылерыю для знішчэння ўмоўных баевікоў, паведамляе Інтэрфакс са спасылкай на Мінабароны РФ.
«Падчас практычных сумесных дзеянняў адпрацоўваліся пытанні блакавання населенага пункта, пераследу груп умоўных тэрарыстаў, якія вырваліся з раёна блакіравання і знішчэнне умоўных незаконных узброеных фарміраванняў з этапам баявой стральбы і нанясеннем удараў армейскай авіяцыяй і артылерыяй», — гаворыцца ў паведамленні.
Расія накіравала на вучэнні ў Беларусь каля 300 ваеннаслужачых і каля 70 адзінак тэхнікі элітнага дэсантна-штурмавога палка Пскоўскай дывізіі ВДВ.
Ад Беларусі ўдзельнічаюць падраздзяленні сіл спецыяльных аперацый.
«Вучэнне праводзіцца па контртэрарыстычнай тэматыцы і не накіравана супраць іншых краін», — заявілі ў Мінабароны РФ.
Цяпер чытаюць
Прамова гэтага мінскага выпускніка на лінейцы ў 2020-м узарвала інтэрнэт. Што з хлопцам цяпер?3
Каментары