Палац мастацтва (вул. Казлова, 3).
Фестываль мусіў адбыцца ў красавіку, але з-за пандэміі быў перанесены на восень.
Арганізатары паспрабавалі захаваць папярэднюю праграму і дапоўніць яе новымі актуальнымі імпрэзамі.
«Pradmova» — пляцоўка для камунікацыі паміж выдаўцамі, аўтарамі, рэдактарамі, ілюстратарамі, дызайнерамі і чытачамі. Фестываль праходзіць з 2018 года. Штогод у ім бяруць удзел найлепшыя беларускія і замежныя літаратары, а праграма складаецца з дзесяткаў разнастайных імпрэз.
Наведнікаў фэсту чакае насычаная праграма — сустрэчы з замежнымі і беларускімі літаратарамі, прэзентацыі кніг, дыскусіі на тэму філасофіі, гісторыі і літаратуры, уручэнне прэмій, мастацкія выставы і кніжны кірмаш.
Падрабязная праграма фестывалю будзе апублікаваная на наступным тыдні.
У фестывалі возьмуць удзел беларускія аўтары: Валянцін Акудовіч, Альгерд Бахарэвіч, Ігар Бабкоў, Максім Жбанкоў, Віктар Марціновіч, Ганна Севярынец, Дзмітрый Строцаў, Юля Цімафеева, Артур Клінаў, Таццяна Заміроўская і іншыя. Таксама будуць і замежныя госці: Януш Леон Вішнеўскі (Польшча), Лінор Гаралік (Ізраіль-Расія), Канстанцін Дарашэнка (Украіна), Міхаіл Мінакоў (Украіна-Італія), Жарка Ёваноўскі (Сербія), Барыс Пастэрнак (Расія).
На фестывалі будуць забяспечаны эпідэміялагічныя нормы: арганізатары просяць наведнікаў выконваць масачны рэжым, падчас фестывалю можна будзе скарыстацца дэзінфектарам, у залах будзе адпаведная дыстанцыйная рассадка.
Таксама у мэтах бяспекі будзе дзейнічаць абавязковая рэгістрацыя на мерапрыемствы. Уваход на кніжны кірмаш вольны.
Цяпер чытаюць
Статкевіч расказаў, як выжываў у зняволенні. І чым займаецца цяпер3
Каментары