Прысудзілі 2 гады веласіпедысту, які вырываўся з рук міліцыянераў
Суд Цэнтральнага раёна Мінска прысудзіў два гады зняволення веласіпедысту К. (яго прозвішча ёсць у Рэдакцыі, спрабуем звязацца з сям’ёй).
7 жніўня, за два дні да выбараў, хлопец удзельнічаў у велапрабегу па вуліцах Мінска — такія з’явы былі папулярныя ў той час.
Два міліцыянеры, Ш. І М., вырашылі яго затрымаць. Фармальна — за адсутнасць люстэрка задняга віду і гукавога сігнала. Гэта абсурднае патрабаванне было прапісана ў савецкіх правілах дарожнага руху, засталося і ў цяперашнім заканадаўстве.
Яны схапілі веласіпедыста, той стаў вырывацца. Падчас гэтай штурханіны хлопец аднойчы трапіў па галаве Ш, аднойчы па галаве М., а таксама хапаў рукамі за шыю М. І сціскаў рукамі. Ніякіх траўмаў у міліцыянераў няма, толькі атрыманы фізічны боль. Ну і парваныя ў М. кашуля са штанамі.
Вось відэа затрымання раварыста:
У выніку К. прысудзілі два гады ў калоніі агульнага рэжыму. Рашэнне можа быць абскарджана.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе19
Каментары