У Бабруйску падпалілі міліцэйскую апорку. Падазраванага затрымалі
Затрымалі падазраванага ў падпале грамадскага пункта аховы правапарадку ў Бабруйску, паведамляе МУС.
Здарэнне адбылося каля паўночы 28 верасня. Невядомыя падпалілі «апорку» Ленінскага РАУС па вуліцы Куйбышава. Па звестках МНС, агнём былі пашкоджаныя ўваходныя дзверы, унутранае аздабленне і маёмасць.
Бабруйскія сышчыкі высветлілі, што да падпалу датычны 42-гадовы беспрацоўны гараджанін, які пасля здзяйснення злачынства з'ехаў у Расію. На днях мужчына вярнуўся, яго адразу ж затрымалі.
Следчыя прызналі затрыманага падазраваным па крымінальнай справе і адправілі ў ізалятар.
-
«Прагноз кіроўцы — 15—16 гадзін на мяжы». Пасажыры аўтобусаў, што едуць у Літву, скардзяцца на незвычайна доўгае чаканне
-
«Нават дарослыя хацелі далучыцца». Як беларусы ў эміграцыі арганізавалі летнік для дзяцей у Белавежскай пушчы
-
Застаўся без парэчак. Уладальнік гадавальніка пад Мінскам — пра тое, як надвор’е паўплывала на працу
Каментары