Выраз «беларус беларусу беларус» пачаў атрымліваць пазітыўную афарбоўку. Вось вам для прыкладу кароткая гісторыя, піша ў фэйсбуку Віктар Контар.
У Варшаве з аэрапорту замовіў убер, але праблема ў тым, што машына можа прыехаць толькі ў зону вылету, а я стаю на паверх ніжэй, наверх падняцца складана, бо цяпер з-за кароны разводзяць плыні людзей…
Кіроўца прыехаў, у профілі напісана, што кіроўца Dzmitry, бачу Dz — думаю, што напэўна беларус, можа пачакае, пакуль я дабяруся да яго. У выніку знаходжу патрэбную лесвіцу.
Падымаюся, а кіроўца чакае. Прашу прабачэння, што чакаў так доўга, а ён кажа, што ўбачыў маё імя ў уберы Viktar праз А, падумаў, што свой, беларус, буду чакаць. Калі б не беларус быў, то не чакаў бы так доўга.
Кажа, што цяпер як ніколі беларусы павінны падтрымліваць адно аднаго.
Цяпер чытаюць
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»16
Каментары