37 краін АБСЕ заклікалі лукашэнкаўцаў да дыялогу па ўрэгуляванні крызісу. Расіі ў спісе няма
Мінску варта падтрымаць спробы АБСЕ спрыяць нацыянальнаму дыялогу з улікам парушэнняў правоў чалавека пасля прэзідэнцкіх выбараў у Беларусі. Пра гэта гаворыцца ў сумеснай заяве ад імя 37 дзяржаў-удзельніц АБСЕ, якое на пасяджэнні Рады міністраў замежных спраў (РМЗС) гэтай структуры ў пятніцу зачытала пастаянны прадстаўнік Фінляндыі пры гэтай міжнароднай арганізацыі Пяйві Лайвала дэ Разьера. Расіі ў спісе падпісантаў заявы няма, адзначае ТАСС.
«Мы гатовыя падтрымаць і спрыяць інклюзіўнаму нацыянальнаму дыялогу з мэтай устойлівага ўрэгулявання цяперашняга крызісу, забяспечыўшы суверэнітэт і незалежнасць Беларусі, а таксама яе бяспечную, дэмакратычную і квітнеючую будучыню», — гаворыцца ў заяве, якую пашырыла прадстаўніцтва Фінляндыі пры АБСЕ.
«За апошнія некалькі месяцаў мы сталі сведкамі сур'ёзных парушэнняў правоў чалавека і асноўных свабод у Беларусі пасля сфальсіфікаваных прэзідэнцкіх выбараў 9 жніўня 2020 года. Справаздача дакладчыка Маскоўскага механізму [АБСЕ], прафесара Вольфганга Бенедэка, дала нам вялікую колькасць доказаў аб мірных дэманстрантах, якія падвергліся жорсткім нападам і катаванням з боку ўладаў проста за тое, што яны настойвалі на правядзенні свабодных і справядлівых выбараў, на лепшай дэмакратычнай будучыні для сваёй краіны», — адзначаецца ў дакуменце.
37 дзяржаў АБСЕ таксама паведамілі аб тым, што, «згодна з вартымі даверу паведамленнямі, пасля прэзідэнцкіх выбараў колькасць арыштаў мірных дэманстрантаў, журналістаў і праваабаронцаў ацэньваецца ў 30 000». «Колькасць палітычна матываваных крымінальных спраў набліжаецца да 900. Спіс палітвязняў працягвае расці і налічвае больш за 100 прозвішчаў. Няма ніякіх указанняў на тое, што ўлады расследуюць тысячы задакументаваных паведамленняў аб жорсткасцях і катаваннях з боку паліцыі, зафіксаваных з сярэдзіны жніўня, або аб забойствах пратэстоўцаў. Мы асуджаем прымяненне сілы супраць беларусаў, якія выкарыстоўваюць свае правы чалавека і асноўныя свабоды», — сказана ў сумеснай заяве.
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1111
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х11
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары