Адміністратарку тэлеграм-чата «Кантроль аўтазакаў Мінск» асудзілі на 15 сутак за ўдзел у Маршы
Затрыманую супрацоўнікамі ГУБАЗіКа 14 снежня ў Мінску адміністратарку тэлеграм-чатаў «Контроль автозаков Минск» і «Чат лошков-петушков» 25-гадовую Ганну Аленскую суд Савецкага раёну арыштаваў на 15 сутак за ўдзел у акцыі 25 кастрычніка. Дзяўчына цяпер знаходзіцца ў ізалятары часовага ўтрымання на Акрэсціна, паведамляюць праваабаронцы.
Ганну Аленскую затрымалі 14 снежня. Пра гэта стала вядома з telegram-канал ГУБАЗіКа, які апублікаваў відэа яе допыту, дзе Ганна кажа, што «яна адміністрыравала тэлеграм-чаты. Па інфармацыі ведамства, дома ў дзяўчыны прайшоў ператрус. У інтэрнэце былі апублікаваны фотаздымкі кватэры Ганны нібы пасля ператрусу.
Праз некалькі дней пасля затрымання стала вядома, што яе асудзілі паводле ч. 1 арт. 23.34 КаАП за ўдзел у маршы «Народны ўльтыматум» 25 кастрычніка. Справу Ганны Аленскай разглядала суддзя суда Савецкага раёна Алена Жуковіч.
Дзяўчына цалкам прызнала віну і пагадзілася з пратаколам.
Суд Савецкага раёна 16 снежня на падставе пратаколу, паказанняў самой Ганны і сведкі-міліцыянта арыштаваў Ганну Аленскую на 15 сутак.
Па стане на 18 снежня дзяўчына знаходзілася ў ізалятары часовага ўтрымання на Акрэсціна.
Цяпер чытаюць
У Офісе Ціханоўскай працуе выкладчык з Даніі. Ён расказаў, чаму кінуў камфортнае жыццё і заняўся беларускай справай20
Каментары