Раніцай 30 снежня ў судзе Першамайскага раёна г. Мінска працягнуўся разгляд справы ў дачыненні да Іллі Туркова, якого вінавацяць па ч. 1 арт. 342 і арт. 364 Крымінальнага кодэкса за падзеі каля ст. м. Плошча Перамогі 14 ліпеня, паведамляе Вясна.
Сёння падсудны выступіў з апошнім словам. У прамове Ілля Туркоў яшчэ раз паўтарыў, што шчыра раскайваецца і раней прасіў прабачэння ў пацярпелага, гатовы сплаціць іскавыя патрабаванні, якія заявіў пацярпелы.
Абвінавачаны звярнуў увагу суду на тое, што пяць месяцаў знаходзіцца пад вартай, і гэты час яго сям'я застаецца без сродкаў для існавання, бо жонка толькі нядаўна выйшла з дэкрэтнага адпачынку, а ў дзіцячым садку — каранцін праз каранавірус. Таксама Ілля Туркоў казаў і пра тое, што ў іх прыватным доме ацяпленне дровамі і ёсць невялікая гаспадарка, а для яго жонкі ўсё гэта цяжкая фізічная праца.
Ён прасіў суд праявіць чалавечую велікадушнасць пры выбары віду і тэрміну пакарання, не судзіць яго строга.
Рашэнне суда было абвешчанае ў 12.30.
Канчатковае пакаранне — пазбаўленне волі на тэрмін чатыры гады з адбываннем пакарання ў папраўчай калоніі ва ўмовах агульнага рэжыму.
Акрамя таго, вырашылі спагнаць з асуджанага на карысць пацярпелага амапаўца Ігара Астапука матэрыяльную кампенсацыю маральнай шкоды ў памеры 500 рублёў, а таксама дзяржпошліну на карысць дзяржавы ў памеры 81 рубля.
Ілля Туркоў плануе абскардзіць прысуд.
-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары