Ціханоўская: Буду патрабаваць выключыць БТ з Еўрапейскага вяшчальнага саюза
Святлана Ціханоўская выказалася аб магчымым выключэнні Белтэлерадыёкампаніі з Еўрапейскага вяшчальнага саюза.
«Важны паказчык нежыццяздольнасці рэжыму — што міжнародныя партнёры больш не гатовыя з ім супрацоўнічаць. IHHF адмяніў чэмпіянат па хакеі ў Мінску, таму што не згодны праводзіць спартыўнае свята ў краіне, дзе людзей катуюць за іх меркаванне. І калі прапаганда абвінавачвае Рэнэ Фазэля ў тым, што ён «не вытрымаў ціску», гэта гучыць жахліва. Па іх логіцы, Рэнэ Фазэль павінен быў зрабіць выгляд, што ў Беларусі не забівалі людзей, каб здацца прапагандыстам «годным чалавекам».
Прапаганда — гэта аснова рэжыму Лукашэнкі. Гэта машына, якая гадамі ўдасканальвалася ў тым, каб скажаць праўду. Работнікі дзяржтэлеканалаў атрымліваюць узнагароды за ўклад у пакрыванне злачынстваў рэспубліканскага ўзроўню. За доблесную абарону рэжыму ад мільёнаў падманутых беларусаў.
Але ёсць прывілеі, якіх беларусы могуць прапаганду пазбавіць. Трансляцыя Еўрабачання — выдатная нагода для БТ падняць рэйтынг і зарабіць на рэкламадаўцах. І гэта нагода для іх гонару. Але хіба гэтая кампанія заслугоўвае такога гонару? Я падтрымліваю ініцыятыву Фонду культурнай салідарнасці і буду патрабаваць выключыць Белтэлерадыёкампанію з Еўрапейскага вяшчальнага саюза. Як і ў выпадку з чэмпіянатам па хакеі, я буду гаварыць аб гэтым з міністрамі замежных спраў ЕС. І я веру, што разам мы з вамі зноў дакажам: ніхто ў цывілізаваным свеце не стане супрацоўнічаць са злачынцамі».
-
У Беларусі забаранілі кітайскія тэлефоны. Норма ўтрымання свінцу ў іх была перавышана ў 330 разоў
-
Паглядзіце, які мілы сабака працуе на памежным пераходзе з Латвіяй ФОТАФАКТ
-
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі4
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3737
Каментары