Амерыканскі рух Black Lives Matter («Жыццё чарнаскурых мае значэнне»), які выступае супраць расізму і гвалту ў дачыненні да афраамерыканцаў, вылучаны на Нобелеўскую прэмію міру. З такой ініцыятывай выступіў дэпутат нарвежскага парламента Петэр Эйдэ, паведамляе Guardian.
Ён лічыць рух важнай часткай «агульнасусветнай барацьбы супраць расавай дыскрымінацыі», якая прымусіла падключыцца да змагання і іншыя краіны.
Рух Black Lives Matter быў створаны ў 2013 годзе пасля таго, як суд апраўдаў патрульнага Джорджа Цымермана, які застрэліў цемнаскурага падлетка Трэйвана Марціна. Больш шырокую вядомасць рух атрымаў пасля пратэстаў у 2014 годзе праз гібель афраамерыканцаў Майкла Браўна і Эрыка Гарнера. Пратэсты суправаджаліся масавымі беспарадкамі і пагромамі на ўсёй тэрыторыі ЗША, у тым ліку зносам помнікаў гістарычным асобам, звязаным з рабствам.
Каментары