Грамадства

Давыдзька: На жаль, бел-чырвона-белы сцяг вельмі прыгожы. Але логіка ў яго забароне ёсць

Дэпутат Палаты прадстаўнікоў, акцёр, былы кіраўнік Белтэлерадыёкампаніі Генадзь Давыдзька ў каментары «НН» падзяліўся сваім стаўленнем пра ініцыятыву Генеральнай пракуратуры прызнаць бел-чырвона-белы сцяг экстрэмісцкім.

«Складанае пытанне, сапраўды складанае. Але калі экстрэмісты выкарыстоўваюць гэты сімвал, каб разбураць дзяржаву, то, пэўна, трэба прызнаваць яго экстрэмісцкім.

Логіка ў такім рашэнні ёсць. Вы зразумейце, колеры і тканіна не вінаватая, хто і як іх выкарыстоўвае. У бел-чырвона-белага сцяга спрэчная гісторыя, але некаторыя нашы грамадзяне ўзялі яго ў якасці «сімвала будучыні», нават лічаць яго святыняй. Так бывае, на жаль.

Аднак, памятаеце, на будынку Купалаўскага тэатра гэты сцяг вісеў побач з фашысцкай свастыкай, маіх родзічаў знішчылі ў вёсцы Папоўка Сенненскага раёна з гэтымі павязкамі на рукавах. Пад чырвонымі сцягамі таксама шмат чаго рабілася. Мне здаецца, што гісторыкі павінны быць асноўнымі ў прыняцці такіх рашэнняў.

Палітычная сітуацыя ўсё ж намагае таго, каб захаваць дзяржаву, каб спыніць гэтую бязглуздзіцу, можа, і маюць рацыю тыя, хто хочуць забараніць сцяг».

Мы ўдакладнілі ў спадара Генадзя, дык можа варта не забараняць, а весці асветніцкую працу, пераконваць людзей.

«Асветніцкую працу будуць весці «недзяржаўныя арганізацыі», якія фінансуюцца з-за мяжы. Вы не ўяўляеце колькасць грошай, якія пойдуць зараз на разбурэнне нашай дзяржаўнасці праз дэмагогію пра дэмакратыю і развіццё грамадства.

Ідзе вайна, і ў такой бойні трэба прымаць рашэнні, прадухіляючы страты незалежнасці і дзяржаўнасці. Тут магчымыя нават некаторыя перагібы, і я на баку тых, хто будзе дзейнічаць у абарону дзяржавы».

Напрыканцы мы пацікавіліся ў дэпутата ягоным асабістым стаўленнем да бел-чырвона-белага сцяга.

«На жаль, ён вельмі прыгожы», — адзінае, што дадаў Давыдзька.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве6

Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве

Усе навіны →
Усе навіны

11-гадовы школьнік гуляўся з порахам у бабулі і атрымаў моцныя апёкі галавы1

Вядомую мінскую трэнерку па танцах асудзілі за палітыку4

Тур абяцае кампрамат на тых, хто праз тыкток скардзіцца на ўлады27

Ва Украіне загінуў 42-гадовы выкладчык Полацкага ўніверсітэта, які пайшоў ваяваць за Расію35

Вызвалены з турмы ў Беларусі грамадзянін Латвіі: За тры гады страціў 26 кілаграмаў і цалкам пасівеў12

Маладыя беларусы набылі дом за 42 рублі і пераробліваюць яго ў здымачную пляцоўку3

У Азербайджане выкладчыка асудзілі на 15 гадоў за перапіску з армянамі2

«Людзі ідуць у мячэці, а не лечаць псіхічныя хваробы». Беларускі псіхіятр расказаў аб працы ва Узбекістане і ў Польшчы17

Тэлебачанне Ірана паведаміла пра пачатак спынення агню1

больш чытаных навін
больш лайканых навін

Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве6

Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве

Галоўнае
Усе навіны →

Заўвага:

 

 

 

 

Закрыць Паведаміць