У Полацку хлопец падпаліў хлеў, каб абакрасці 90-гадовую пенсіянерку
У Полацку 22-гадовы хлопец скраў у пенсіянеркі з дома 1500 рублёў. А каб выманіць жанчыну на вуліцу і пракрасціся ў жыллё, падпаліў хлеў, распавядае міліцыя.
З дома 90-гадовай пенсіянеркі невядомы выкраў сумку з 1500 рублямі. Крадзеж жанчына выявіла пасля пажару — гарэў хлеў у двары.
Вечарам у дом да пенсіянеркі зайшоў хлопец — у цёмным касцюме з капюшонам, з маскай на твары. Малады чалавек паведаміў жанчыне, што гарыць хлеў. Госць і дачка пенсіянеркі выбеглі на вуліцу і сталі тушыць агонь.
Хлопец вярнуўся ў хату і папрасіў у гаспадыні тэлефон, каб выклікаць ратавальнікаў. Жанчына паказала на дзверы ў іншы пакой, дзе і ляжала торба з грашыма. Малады чалавек вынес яе.
Хлопца затрымалі.
Распачатыя крымінальныя справы за крадзеж і падпал.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2020
Каментары