Генпракуратура заявіла, што прызнаць бел-чырвона-белы сцяг экстрэмісцкім можа толькі суд
Генпракуратура прызнала, што атрымлівае «шматлікія» звароты грамадзян наконт намеру прызнання беларускай нацыянальнай сімволікі экстрэмісцкай. Генпракуратура заявіла, што прызнаць бел-чырвона-белы сцяг экстрэмісцкім можа толькі суд.
«У сувязі з паступленнем у Генеральную пракуратуру шматлікіх зваротаў грамадзян па пытаннях аднясення бел-чырвона-белага сцяга да экстрэмісцкай сімволікі паведамляецца наступнае. Прызнанне матэрыялаў экстрэмісцкімі ажыццяўляецца судом у адпаведнасці з Законам Рэспублікі Беларусь «Аб супрацьдзеянні экстрэмізму», — гаворыцца ў звароце.
Нагадаем, раней Генеральная пракуратура анансавала, што рыхтуецца пакет дакументаў аб прызнанні бел-чырвона-белага сцяга экстрэмісцкім.
Патлумачылі ўсё гэта тым, што ў ведамства паступіла больш за сотню зваротаў ад грамадзян з просьбай прыраўнаваць бел-чырвона-белы сцяг, «які ў гады вайны стаў сімвалам зверстваў на беларускай зямлі», да экстрэмісцкай сімволікі.
«У Генеральную пракуратуру паступіў калектыўны зварот, пад якім падпісаліся больш за сотню грамадзян з просьбай аб прызнанні бел-чырвона-белага сцяга экстрэмісцкім. З улікам раней праведзенай Генеральнай пракуратурай работы па ўдасканаленні заканадаўства аб процідзеянні экстрэмізму цяпер мы рыхтуем пакет дакументаў аб прызнанні экстрэмісцкімі бел-чырвона-белага сцяга і іншай сімволікі», — паведаміла афіцыйны прадстаўнік Генпракуратуры Беларусі Анжаліка Курчак.
Цяпер чытаюць
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці45
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці
«Усведамляю, што магу стаць першай беларускай, якая наведае ўсе краіны свету». Падарожніца з Мінска размаўляе на 8 мовах і марыць пражыць 200 гадоў1010
Каментары