З сённяшняга дня урад Латвіі забараніў уезд на тэрыторыю краіны з неістотных прычын з усіх краін ЕС, ЕЭС, Швейцарыі і Вялікабрытаніі. Забарона будзе дзейнічаць да 25 лютага, пры гэтым у далейшым яе могуць падоўжыць больш чым на два тыдні.
Пра гэта паведамляе Delfi.
Як паведамляецца, папраўкі ў распараджэнне аб увядзенні надзвычайнага становішча, якія ўступілі ў сілу ў чацвер, прадугледжваюць, што ўезд у Латвію будзе дазволены толькі пры неадкладных і важных прычынах. Такімі ёсць: праца, вучоба, ўз'яднанне сям'і, лячэнне, транзіт або суправаджэнне непаўналетніх, вяртанне на пастаяннае месца жыхарства або наведванне пахавання.
Акрамя таго, у краіну часова не будуць ажыццяўляцца міжнародныя пасажырскія перавозкі праз аэрапорты, парты і на аўтобусах з Брытаніі, Ірландыі, Партугаліі і ў гэтыя краіны з-за высокай распаўсюджанасці новых штамаў COVID-19. З дазволу міністра могуць ажыццяўляць пасажырскія перавозкі, але не больш як пяці пасажыраў.
Нагадаем, у Латвіі працягнулі рэжым надзвычайнай сітуацыі з-за COVID-19 да 6 красавіка.
Каментары