Мінскія мытнікі выявілі ў расейца, што ляцеў з Турцыі, каля 80 тысяч незадэклараваных еўра.
Мужчына ляцеў рэйсам Стамбул — Мінск. Пры праходжанні мяжы грамадзянін Расіі абраў «зялёны» калідор, заявіўшы тым самым аб адсутнасці тавараў і грашовых сродкаў, якія падлягаюць дэклараванню. Мытнікі звярнулі ўвагу на трывожнасць расейца пры стандартным апытанні. Яму прапанавалі прайсці па «чырвоным» калідоры.
У багажы і ручной паклажы мужчыны былі выяўленыя 158 купюр рознага наміналу, сярод іх былі еўра, расійскі рубель, балгарскі леў, турэцкая ліра, тайскі бат. У суме — каля 80 тысяч еўра, што амаль у дзевяць разоў перавышае суму, дазволеную заканадаўствам да перамяшчэння праз мытную мяжу без пісьмовага дэкларавання.
Мінская рэгіянальная мытня праводзіць праверку.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары