Гаспадар індыкоў прайграў у судзе гаспадару аўто: птушкі падзяўблі машыну на $1000
Суд Веткаўскага раёна разгледзеў трагікамічную грамадзянскую справу аб кампенсацыі маёмаснай шкоды.
21 жніўня 2020 года мужчына прыпаркаваў аўтамабіль каля дома ў адной з вёсак Веткаўскага раёна. А праз два дні заўважыў, што машыну… падрапалі індыкі.
Птушкі належалі суседу. Але той нават аглядаць пашкоджаную машыну адмовіўся, «адмаўляючы факт яе пашкоджання індыкамі».
Тады гаспадар аўтамабіля выклікаў міліцыю.
«Згодна з заключэннем аб ацэнцы памер шкоды, прычыненай транспартнаму сродку з улікам ПДВ склаў 3 059 рублёў 49 капеек.
У судовым пасяджэнні было вызначана, што характар і лакалізацыя пашкоджанняў цалкам адпавядаюць прадстаўленым фотаматэрыялам і тлумачэнням пазоўніка пра абставіны іх прычынення», — паведамляе прэс-служба Вярхоўнага суда.
У выніку патрабаванні былі задаволеныя часткова. З гаспадара спагоняць 2 549 рублёў 58 капеек.
Рашэнне ўступіла ў законную сілу.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары