Tut.by абнародаваў майскі пошукавы чарт.
Tut.by абнародаваў майскі пошукавы чарт.
Як паведамляецца ў прэс‑рэлізе партала, у маі першая тройка красавіцкага рэйтынгу пошукавых запытаў — «надвор’е», «порна» і «праца» — яшчэ больш умацавала пазіцыі. У сувязі з фінансавым крызісам эксперты прагназавалі рэзкі ўсплёск цікавасці грамадзян да свабодных рабочых месцаў.
Аднак майскі рэйтынг пошукавых запытаў сведчыць пра кадравую стабільнасць — ва ўсякім выпадку, у беларускай частцы інтэрнета, канстатуе tut.by.
На думку экспертаў партала, блытаніна з валютнымі курсамі справакавала падзенне пошукавага рэйтынгу бясплатных аб’яў. З адставаннем у 905 запытаў купля, продаж і абмен саступілі месца рублям, доларам і еўра.
Гэтыя перамены адбыліся ў пошукавых запытах аб латарэях —
раней папулярнае «Суперлато» апусцілася ў самы ніз рэйтынгавай табліцы.
***
Па выніках мая 2009 года топ‑10 самых папулярных пошукавых запытаў выглядае наступным чынам:
«надвор’е» — 25.680; «порна» — 15.109; «праца» — 11.078; «курс валюты» — 10.910; «з рук у рукі» — 10.005; «ваша лато» — 9.090; «суперлато» — 8.338; «знаёмства» — 8.263; «надвор’е мінск» — 6.986; «гараскоп» — 6.968.
Закрываюць майскі рэйтынг «амністыя» і «газонакасілка».
Для параўнання: у красавіку на апошніх месцах размяшчаліся «выстава» і «фота 30‑х». Зрух інтарэсаў карыстальнікаў відавочны, зазначаюць прадстаўнікі tut.by.
Каментары