Ноччу з 18 на 19 мая невядомыя пашкодзілі маёмасць прыходу кафедральнага касцёла Панны Марыі і яго пробашча Антонія Клімантовіча.
Пра гэта Tut.by распавялі ў прэс-службе каталіцкага касцёла Беларусі.
— А 4-й раніцы серады (учора) невядомыя людзі залезлі на тэрыторыю за катэдральным касцёлам. Павыварочвалі кветкі, зламалі дамафон на дзвярах парафіяльнага дома, пашкодзілі ліхтар на газоне і разбілі лабавое шкло ў машыне пробашча, — пералічыў пашкоджанні прэс-сакратар каталіцкай царквы ў Беларусі Юрый Санько.
Сляды нападу былі і ля ўваходу ў дыяцэзіяльны дом.
— На жаль, з нашых ніхто не чуў, як гэта адбывалася, — выклікалі міліцыю пазней. Адтуль прыехалі, правялі следчыя працэдуры. Па інфармацыі касцёла, з камер відэаназірання (непадалёку знаходзіцца будынак ГУБАЗіКа) запыталі запісы.
Суразмоўца назваў выпадак нетрывіяльным.
— Падобных выпадкаў у нас не было нават у 1990-я. Мы ведаем, што кафедральны сабор быў домам спорту, тады былі супрацьстаянні паміж спартоўцамі, якія не хацелі сыходзіць, і прыхаджанамі, але каб псаванне маёмасці і ў такіх памерах… Замена лабавога шкла ў аўтамабілі з устаноўкай — гэта 600 рублёў. Спадзяёмся, што ў сітуацыі будуць разбірацца і інфармацыя будзе прадастаўлена.
Каталіцкія актывісты таксама адзначаюць, што машына Антонія Клімантовіча падобная на машыну біскупа Юрыя Касабуцкага, які вечарам у аўторак у сваім фэйсбуку заклікаў маліцца за пераследаваных, асабліва за Tut.by. Заклік біскупа шырока разышоўся ў інтэрнэце.
Цяпер чытаюць
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі14
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары