Гайдукевіч: Латушку і іншых можна затрымаць на тэрыторыі іншых дзяржаў і прывозіць сюды ў багажніку
«Затрыманы заснавальнік Nexta Пратасевіч! Добра спрацавалі спецслужбы», — напісаў у фэйсбуку намеснік старшыні пастаяннай камісіі па міжнародных справах Палаты прадстаўнікоў Алег Гайдукевіч.
— Перакананы, мы павінны дзейнічаць гэтак жа, як заходнія спецслужбы, тым больш добрае выдатнае ўзаемадзеянне з Расіяй!
Латушку і іншых можна затрымаць і на тэрыторыі іншых дзяржаў і прывозіць сюды ў багажніку, напрыклад, і адразу ў СІЗА! Так дзейнічае і ЗША, і Ізраіль, і нам можна», — лічыць экс-давераная асоба Лукашэнкі на выбарах-2020.
Гайдукевіч удакладніў, што такія дзеянні маюць ажыццяўляцца «выключна па законе і ў поўнай адпаведнасці з міжнародным заканадаўствам». Аднак на законы, якія дазваляюць вывозіць у багажніку чалавека, схопленага на тэрыторыі іншай дзяржавы, не спаслаўся.
Цяпер чытаюць
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку15
Каментары