Выставілі абвінавачанні галоўнаму бухгалтару «Tut.by медыя» і менеджару праекта Tam.by
Абвінавачанні выставілі галоўнаму бухгалтару «Tut.by медыя» Анжэле Асад, а таксама менеджару праекта Tам.by Дар'і Данілавай.
Пра гэта паведаміў у фэйсбуку сузаснавальнік Tut.by Кірыл Валошын.
Раней стала вядома, што Юліі Чарняўскай, удаве Юрыя Зісера, выстаўлена абвінавачанне. Пра гэта напісала ў Facebook яе дачка Яўгенія.
Інфармацыі аб статусе астатніх супрацоўнікаў Tut.by пакуль няма, бо адвакаты знаходзяцца пад падпіскай аб неразгалошванні. Калі па заканчэнні 10 сутак з моманту затрымання яны не выйдуць на волю, гэта будзе азначаць, што ім таксама выставілі абвінавачанні і абралі меру стрымання тэрмінам на два месяцы, зазначае Tut.by.
Дакладнай інфармацыі аб тым, якія менавіта абвінавачанні выстаўленыя супрацоўнікам кампаніі, няма: адвакаты не могуць выдаваць гэтыя звесткі.
18 мая КДК заяўляў, што крымінальная справа заведзеная ў дачыненні да службовых асоб «Тут бай медыя» па авртыкуле ч. 2 арт. 243 КК Беларусі (Ухіленне ад выплаты падаткаў у асабліва буйным памеры). Гэты артыкул аднесены да катэгорыі цяжкіх злачынстваў, максімальны тэрмін утрымання пад вартай да суда можа складаць паўтара года.
Варта адзначыць, што сярод затрыманых ёсць шараговыя супрацоўнікі, у прыватнасці журналісты, якія не маюць дачынення да фінансава-гаспадарчай дзейнасці кампаніі.
Цяпер чытаюць
Полк Каліноўскага паведаміў пра гібель трох байцоў4
Каментары