Грамадства

Сёння на Берлінале прэм’ера фільма пра беларускія пратэсты. Прыедуць Ціханоўская і Алексіевіч

Другая частка Берлінскага міжнароднага кінафестывалю — з публічнымі паказамі і чырвонымі дарожкамі — пачалася 9 чэрвеня. Сёння тут адбудзецца прэм’ера дакументальнай карціны «Смеласць» Аляксея Палуяна пра жнівеньскія падзеі ў Беларусі. Рэжысёр паведаміў «Нашай Ніве», што гасцямі Берлінале з гэтай нагоды стануць Святлана Ціханоўская і Святлана Алексіевіч.

Кадр з фільма.

Анлайн-паказ «Смеласці» для прафесіяналаў сферы адбыўся на Берлінале яшчэ ў сакавіку. Пасля фільм паказалі на шэрагу кінафестываляў у Швейцарыі, Даніі, Аўстрыі і Польшчы. На Берлінскім фэсце карціна дэманструецца ў прэстыжнай секцыі Berlinale Special, яна таксама намінаваная на ўзнагароду «Найлепшы дакументальны фільм».

Паводле Аляксея Палуяна, перад прэм'ерай «Смеласці» на пляцоўцы Берлінале адбудзецца панэльная дыскусія пра ролю мастака ў аўтарытарнай сістэме «Культура і палітыка ў Беларусі». У размове прымуць удзел Святлана Ціханоўская, Святлана Алексіевіч, нямецкая прадзюсарка, што працавала ў Расіі, Сімона Баўман і сам Аляксей. Спікеры стануць і гасцямі кінапаказу, да іх таксама далучыцца Таццяна Хоміч, якая сімвалічна падменіць сястру Марыю Калеснікаву.

«Смеласць» здымалася з 2018 года, але большую яго частку ў выніку заняў жнівень мінулага года ў Мінску. Карціна распавядае пра трох беларускіх артыстаў, што жывуць і працуюць у беларускіх умовах. Усе трое — актрыса Свабоднага тэатра Марына Якубовіч, а таксама акцёры Свабоднага тэатру і музыкі гурта «Разбітае сэрца пацана» Дзяніс Тарасенка і Павел Гарадніцкі — у выніку з’ехалі з краіны. Марына Якубовіч, Павел Гарадніцкі і здымачная каманда таксама будуць на берлінскай прэм'еры.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Айцішніца, якая вярнулася з эміграцыі, пахвалілася, што ідзе выступіць на АНТ — у каментарах адкрыўся партал у пекла17

Айцішніца, якая вярнулася з эміграцыі, пахвалілася, што ідзе выступіць на АНТ — у каментарах адкрыўся партал у пекла

Усе навіны →
Усе навіны

Ва ўрадзе назвалі дату, калі беларусам давядзецца на 100% аплачваць жыллёва-камунальныя паслугі9

«Пуцін задае бардэлю парадак дня». Прапаганда выкручваецца перад перамовамі ў Стамбуле17

Зянковічу запрасілі двух стылістаў і нават купілі трусы: што засталося за кадрам інтэрв’ю АНТ у гатэлі «Еўропа»5

«Рэформ» адказаў Бугаю: «Лукашэнка застанецца сам-насам з Расіяй»32

У Гродне МАЗ праваліўся ў глыбокую яму. Дастаць яго будзе цяжка ФОТАФАКТ1

Маршрутчыка, які падмануў гаротных жанчын на 68 тысяч рублёў, асудзілі на чатыры гады

Расіянін на «Доджы» разагнаўся да 200 км/г на трасе М1. Але ад ДАІ не ўцёк9

Мінчук сцвярджае, што таксіст двойчы прыняў аплату за паездку: «Узяў грошы ў мамы, а потым — у мяне»1

Даказалі толькі, што намеснік начальніка Белчыгункі атрымаў сертыфікаты на 5500 рублёў. Але ўсё адно яму свеціць 15 гадоў3

больш чытаных навін
больш лайканых навін

Айцішніца, якая вярнулася з эміграцыі, пахвалілася, што ідзе выступіць на АНТ — у каментарах адкрыўся партал у пекла17

Айцішніца, якая вярнулася з эміграцыі, пахвалілася, што ідзе выступіць на АНТ — у каментарах адкрыўся партал у пекла

Галоўнае
Усе навіны →

Заўвага:

 

 

 

 

Закрыць Паведаміць