Міністр замежных спраў Беларусі назваў Літву «пігмеем». Аднак эканамічная статыстыка сведчыць, што 3-мільённая Літва ўжо абагнала 9-мільённую Беларусь па памеры эканомікі.
У 1990-я Беларусь, Літва і Польшча выйшлі з адной сістэмы. Старэйшыя памятаюць, што ў савецкі час Беларусь і Літва змагаліся ў «сацыялістычным спаборніцтве» па эканамічных паказчыках. Надоі малака на карову былі большыя ў літоўцаў, а яйканоснасць курэй — у беларусаў.
Чвэрць стагоддзя таму краіны выбралі розныя палітычныя і эканамічныя курсы. «Вы хочаце, каб было як у Літве?» — гэтае рытарычнае пытанне часта сустракалася ў беларускай дзяржаўнай прапагандзе 25 гадоў назад.
Што маем цяпер?
Вось паказчыкі валавога ўнутранага прадукту па стане на 2021 год (у далярах, звесткі МВФ): памер эканомікі Літвы большы, чым у Беларусі.
Прычым тэндэнцыя не на нашу карысць — і гэта яшчэ да ўсякіх санкцый. У 2019 годзе Беларусь Літву яшчэ абганяла.
Гэта прытым што ў Літве 2,8 мільёна жыхароў, а ў Беларусі — 9,4 мільёна. Валавы нацыянальны прадукт на душу насельніцтва ў Беларусі ўжо амаль у 3,5 разу меншы, чым у Літве — каля 6500 і каля 22 000 USD адпаведна. Вялізны разрыў і па памеры заробкаў ды пенсій «простых людзей». Калі пералічыць ВУП ці заробкі па парытэце купчай здольнасці, разрыў робіцца меншы, але ўсё роўна розніца ў 2 разы (40 700 і 20 500 USD).
Літву, вядома, можна лічыць пігмеем. Толькі тады трэба прызнаць, што Беларусь па аб'ёме сваёй эканомікі, а значыць і па сваіх магчымасцях, яшчэ меншая.
-
«Вы ведаеце, што большасць беларусаў лічаць вас нікчэмнымі халуямі?»
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
Цяпер чытаюць
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары