Найвялікшае прадэмакратычнае выданне Ганконга Apple Daily вымушана спыніць працу
Кітайскія ўлады арыштавалі кіраўніцтва папулярнай газеты і заблакавалі рахункі выдання.
Газета Apple Daily і яе заснавальнік Джымі Лай сталі сімваламі прадэмаратычнага руху ў Ганконгу. Apple Daily была заснаваная 26 гадоў таму. На старонках газеты публікавалася інфармацыя пра дэмакратычны рух Ганконга, а таксама журналісцкія расследаванні ў дачыненні дзяржаўных асоб.
Джымі Лай, крытык пекінскага рэжыму, быў арыштаваны летась. Яго абвінавачваюць у арганізацыі несанкцыянаваных мерапрыемстваў.
На мінулым тыдні паліцыя правяла рэйд у рэдакцыі газеты. Пяць кіраўнікоў былі арыштаваныя: іх абвінавачваюць у змове з замежнымі сіламі, што пагражае нацыянальнай бяспецы, паведамляе The Guardian.
Абвінавачванні датычыліся дзясяткаў артыкулаў, якія, па словах паліцыі, заклікалі да замежных санкцый супраць урада Ганконга і Кітая. Усе рахункі выдання былі заблакаваныя.
Прадстаўнікі газеты паведамілі, што вымушаныя спыніць працу. «Мы дзякуем чытачам, журналістам, супрацоўнікам і рэкламадаўцам за іх пастаянную падтрымку на працягу апошніх 26 гадоў», - адзначаецца ў заяве Apple Daily.
Цяпер чытаюць
Лосік расказаў, як Бабарыку катавалі ў наваполацкай калоніі22
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары