Андрэй Скурко трапіў у медчастку Валадаркі са «структурнымі зменамі ў лёгкіх»
Кіраўнік аддзела рэкламы і маркетынгу «Нашай Нівы», палітвязень Андрэй Скурко трапіў у медчастку Валадаркі са «структурнымі зменамі ў лёгкіх». У яго падазраюць кавід, камера, дзе сядзеў Андрэй, адпраўленая на каранцін.
Вядома, што па прыбыцці з Акрэсціна на Валадарку рэнтген выявіў у яго пляму ў лёгкіх.
Па словах журналіста Алега Груздзіловіча, які сядзеў з ім у адной камеры, з 18-га ліпеня Андрэй пачаў кашляць, узнялася тэмпература, яму давалі парацэтамол.
У Скурко — інсуліназалежны дыябет. Ён правёў на Акрэсціна 13 сутак без матраца, пасцелі і пры нягаснучым святле, без дыябетнай дыеты і перадач. Кавід для дыябетыкаў смяротна небяспечны.
Каментары