Кансерватыўнага рабіна, прыхільніка Лукашэнкі, асудзілі да 6 сутак за «пікет супраць вакцынацыі»
Назіральнікі з праваабарончага цэнтра «Вясна» паведамляюць, што да шасці сутак адміністрацыйнага арышту асуджаны рабін Ігаэль Егудзі.
Справа ў тым, што грамадзянін Ізраіля ішоў па праспекце Незалежнасці ў майцы «Супраць гвалтоўнай вакцынацыі». Гэта палічылі пікетам.
На судзе Егудзі заявіў, што на Акрэсціна яму сказалі аб адсутнасці любых правоў, не азнаёмілі з матэрыяламі справы і не далі пазваніць адвакату. На судзе мужчына казаў, што з’яўляецца прыхільнікам Лукашэнкі.
Рабі Егудзі 60 гадоў. Ён родам з Мінска. Але ў 19-гадовым узросце пераехаў у Ізраіль, дзе пражыў 30 гадоў. Назад у Беларусь ён вярнуўся ў 2010 годзе. У Ізраілі ў яго засталіся дзеці і ўнукі. Егудзі — хасід, пазіцыянуе сябе як прадстаўнік любавіцкай плыні. «Калі б у мяне спыталі, як павінна выглядаць прыстойная дзяржава, то я б сказаў: як Беларусь», — казаў Егудзі.
Ён шмат крытыкуе сённяшні заходні свет, дэмакратыю, лібералізм, але найбольш кранаюць пытанні гендару. Апошнім часам Егудзі стаў заўважным «кавід-дысідэнтам», адмаўляў не толькі каранавірус, але і вакцынацыю ад яго. У сваіх сацыяльных сетках часам з матам піша аб апанентах Лукашэнкі. Як пазаштатнік супрацоўнічаў з газетай «Вячэрні Магілёў», вядомай сваімі антыдэмакратычнымі поглядамі.
Цяпер чытаюць
Беларусам стала складаней легалізавацца ў Польшчы — там больш не прымаюць выдадзеныя ў БССР дакументы і патрабуюць апастылі12
Каментары