Аляксандр Лукашэнка расказаў сваю версію падзей аб ад'ездзе Святланы Ціханоўскай у Літву ў жніўні 2020 года. Лукашэнка заявіў, што з жанчынамі не ваюе — і некалькі разоў выкарыстаў у дачыненні да Ціханоўскай абразлівыя словы.
«Яна кажа, што яе прымусілі. Гэта я сёння прачытаў у дакладзе, што яе прымусілі выехаць з Беларусі і пагражалі, што там ледзь не дзяцей схопяць і яшчэ чагосьці. Слухайце, дзеці для мяне заўсёды надзвычайна важна, і вы гэта ведаеце. Дзеці за бацькоў не павінны несці вось такую адказнасць, што я паеду ў Літву, схаплю дзяцей. Ну, калі вы іх туды вывезлі, абараняйце», — сказаў палітык.
Лукашэнка сцвярджае, што Ціханоўская нібыта ледзь не стала ахвярай правакацыі з боку апазіцыі.
«І, па-мойму, на наступны дзень або ў гэты дзень яна прыбегла. Я кажу: добра, перадайце ёй, МУС дапаможа (ужо ў дэталях распавядаю, калі яна адгукнулася) табе выехаць да дзяцей. Пра мужыка свайго ні слова. Яна папрасіла нейкую з Віцебска сям'ю. І яшчэ ты гэтую сям'ю там на мяжы чакаў — яна прыехала з мужам і дзецьмі. Мы зрабілі ўсё, што прасіла. Ну едзь да дзяцей, мы разумеем. Я наогул супраць жанчын не ваюю».
«Не паспелі выехаць — тэлефануе: «Аляксандр Рыгоравіч, кажа, што ў яе няма грошай». Я кажу: вазьмі папрасі (не буду казаць кампанію, у дзяржаўнай кампаніі), колькі хоча, $15 тысяч, так? — Дай $15 тысяч, хай едзе. Гэта ўсё ж дзеці. Вось што было. І яна сёння кажа пра тое, што ёй пагражалі, дзяцей ад яе забіралі і іншае.
Далей палітык ужыў абразлівае слова, а затым працягнуў.
«Першы раз пра яе кажу. Хоць з жанчынамі не ваюю», — заявіў Аляксандр Лукашэнка.
Цяпер чытаюць
Келагу паказалі кампраметуючыя відэаматэрыялы на беларускую апазіцыю? Так мяркуе Латушка13
Каментары