Экс-гулец «Манчэстэр Юнайтэд» і зборнай Эквадора прадухіліў самагубства мужчыны ў сябе на радзіме. Пра гэта Валенсія напісаў у сваім інстаграме.
Антоніа Валенсія. Фота з яго інстаграма
«Учора ўвечары са мной адбылася не самая прыемная гісторыя: адзін хлопец хацеў скончыць жыццё самагубствам, скокнуць з гэтага моста. Ён быў вельмі малады. Я выйшаў з аўтамабіля і падышоў да яго. Я не выратаваў яго, але я сапраўды паспрабаваў з ім пагаварыць.
Дзякуй Богу, ён пазнаў мяне, і я паспрабаваў сказаць яму некалькі матывуючых слоў. Гэта было вельмі цяжка. Дзякуй Богу, прыехалі ягоныя сваякі, і ён вырашыў не сканчаць жыццё.
Будзьма ўважлівыя да сябе, калі ласка: да нашых думак, да нашых сэрцаў. Псіхічнае здароўе вельмі важнае — глядзім яго. Жыццё — вельмі далікатнае», — напісаў футбаліст.
Каментары