Дзяржсакратар Рады бяспекі: Пры неабходнасці для абароны прыцягнем камбайнераў і хлебаробаў
Пра гэта заявіў дзяржаўны сакратар Рады бяспекі Аляксандр Вальфовіч, каментуючы комплекснае аператыўна-тактычнае вучэнне, што праводзіцца з Гродзенскай пагрангрупай.
«Асаблівасцю вучэння з'явілася тое, што адпрацоўваліся задачы па блакаванні, пошуку, выяўленні, знішчэнні незаконнага ўзброенага фарміравання, якое прарвалася праз дзяржмяжу, сумесна з Узброенымі сіламі. Памежнай групе была прыдадзена адна з мотастралковых рот 6-й асобнай механізаванай брыгады. Мы сёння бачылі, як зладжана дзейнічалі памежнікі сумесна з падраздзяленнямі Узброеных сіл», — цытуе яго тэлеграм-канал Мінабароны.
«Размаўляючы з ваеннаабавязанымі прыемна бачыць, што ў іх ёсць разуменне, для чаго іх заклікалі, што акрамя нас, мужыкоў, якія павінны абараняць сваю краіну, ніхто гэтага не зробіць.
Вядома, не хацелася б, каб даходзіла да таго, каб мы адрывалі ад працы камбайнераў, хлебаробаў, рабочых прадпрыемстваў, — для гэтага ёсць кадравыя падраздзяленні, у тым ліку і памежнай службы. Але калі будзе нейкая неабходнасць і нейкая небяспека будзе пагражаць краіне, мы выканаем задачы па абароне краіны», — сказаў Аляксандр Вальфовіч.
Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне26
Каментары