Новая Зеландыя абвясціла пра тэрміновае ўвядзенне каранціну пасля таго, як адзін мужчына атрымаў станоўчы вынік тэсту на Covid-19. Гэта першы выпадак хваробы ў краіне за паўгода, паведамляе Бі-бі-сі.
Выпадак выявілі ў Оклендзе — цяпер гэты горад сыдзе на каранцін на тыдзень, тады як у астатняй краіне лакдаўн абвясцілі на тры дні.
Улады кажуць, што вывучаюць магчымасць таго, ці можа гэта -быць штам дэльта. Прыкладна 20% насельніцтва краіны прайшлі поўную вакцынацыю.
Карамандэль, прыбярэжны горад, які наведаў заражаны чалавек, таксама будзе знаходзіцца на каранціне на працягу сямі дзён.
Прэм'ер-міністр Джасінда Ардэрн заявіла, што неабходныя самыя жорсткія правілы «ўзроўню 4» — закрыццё школ, офісаў і ўсіх прадпрыемстваў, будуць працаваць толькі службы першай неабходнасці.
«Я хачу запэўніць Новую Зеландыю ў тым, што мы планавалі гэтую магчымасць. Хуткая і жорсткая рэакцыя ўжо спрацоўвала для нас раней», — сказала яна.
Пацыент — 58-гадовы мужчына, які, як мяркуюць, быў заражаны з мінулага чацвярга.
Існуе прынамсі 23 патэнцыйныя месцы перадачы віруса іншым людзям.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары