«Гібрыдная агрэсія з боку Захаду»: Лукашэнка на вучэннях заявіў аб новых рызыках і выкліках для Саюзнай дзяржавы
На захадзе Саюзнай дзяржавы з'яўляюцца новыя рызыкі, а становішча на межах краін-членаў АДКБ напальваецца, але Расія і Беларусь гатовыя «да сумесных дзеянняў па забеспячэнні суверэнітэту і незалежнасці», заявіў сёння Аляксандр Лукашэнка.
На захадзе Саюзнай дзяржавы ўзнікаюць новыя рызыкі і выклікі, а становішча на межах краін-членаў Арганізацыі Дагавора аб калектыўнай бяспецы абвастраецца. Пра гэта заявіў Аляксандр Лукашэнка падчас узнагароджання ўдзельнікаў вучэнняў «Захад-2021», перадае БелТА.
Лукашэнка назваў сумесныя расійска-беларускія манеўры важным мерапрыемствам па падрыхтоўцы ўзброеных сіл, «што праводзіцца на фоне бесперапыннай гібрыднай агрэсіі з боку Захаду» ў дачыненні да Масквы і Мінска.
Паводле яго слоў, вайскоўцы ў ходзе вучэнняў прадэманстравалі, што арміі дзвюх краін гатовыя «да сумесных дзеянняў па забеспячэнні суверэнітэту і незалежнасці». «Мы ў чарговы раз пераканаліся ў дзеяздольнасці створанай сістэмы тэрытарыяльнай абароны», — заявіў ён.
Вучэнні «Захад-2021» праходзяць з 10 па 16 верасня на дзевяці палігонах у Расіі і пяці — у Беларусі. У іх удзельнічаюць каля 200 тыс. вайскоўцаў (у тым ліку 12 тысяч на тэрыторыі Беларусі).
Цяпер чытаюць
Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу29
Каментары