17 ліпеня на сайце МУС з’явілася афіцыйная заява МУС па справе Мікалая Аўтуховіча. Як і прагназавалася, цяпер прадпрымальніка абвінавачваюць і ў тэрарызме.
17 ліпеня на сайце МУС з’явілася афіцыйная заява МУС па справе Мікалая Аўтуховіча. Як і прагназавалася, цяпер прадпрымальніка абвінавачваюць і ў тэрарызме. Прыводзім змест заявы:
«У СМІ апошнім часам актыўна асвятляецца тэма, звязаная з затрыманнем і прыцягненнем да крымінальнай адказнасці прадпрымальніка Аўтуховіча і шэрагу іншых асобаў у сувязі з іх нібыта актыўнай палітычнай дзейнасцю. У сувязі з гэтым Міністэрства ўнутраных справаў лічыць магчымым паведаміць наступнае.
У студзені 2009 году ў ходзе аператыўна‑вышуковых мерапрыемстваў Галоўным упраўленнем па барацьбе з арганізаванай злачыннасцю МУС (ГУБОП) была атрыманая інфармацыя аб датычнасці ваўкавыскага прадпрымальніка Аўтуховіча да падпалаў, што былі летам і восенню 2005 году, маёмасці былога начальніка Ваўкавыскага РУУС Кацубы і работніка інспекцыі Міністэрства па падатках і зборах Мандзіку.
Дадзеныя факты знайшлі пацвярджэнне ў выніку праверкі атрыманай інфармацыі.
8 лютага 2009 году ў ходзе правядзення следчых дзеянняў па крымінальнай справе па фактах знішчэння маёмасці былі затрыманыя Аўтуховіч, Асіпенка і Лявонаў, і змешчаныя ў следчы ізалятар. У выніку гэтым асобам былі прад’яўленыя абвінавачванні па артыкуле 218 КК.
Адначасова ў поле зроку ГУБОП трапіў грамадянін Л. (Ларын — «НН»), як асоба, якая мае падрыхтоўку па абыходжанні са зброяй і выбуховымі рэчывамі. У выніку праведзеных следчых дзеянняў былі атрыманыя доказы датычнасці Л. Да здзяйснення цяжкіх злачынстваў у Гродзенскім рэгіёне з выкарыстаннем зброі і выбуховых прылад.
У працэсе далейшай следчай працы дадзеныя злачынствы былі даследаваныя разам. У выніку чаго ўстаноўленыя факты арганізацыі Аўтуховічам падрыхтоўкі да фізічнай ліквідацыі старшыні Гродзенскага аблвыканкаму Саўчанкі з мэтай аказання ўздзеяння на рашэнні, які прымаюцца дзяржаўнымі органамі, а таксама праз помсту. Апроч таго, было ўстаноўлена, што летам і восенню 2005 году Аўтуховіч з іншымі асобамі рыхтавалі замах на намесніка міністра па падатках і зборах Камянко.
23 чэрвеня 2009 году галоўным следчым упраўленнем папярэдняга расследавання МУС у дачыненні Аўтуховіча і іншых асоб заведзеная крымінальная справа па артыкуле 359 (тэрарыстычны акт)».
Каментары