Праваабаронцы прызналі палітвязнямі 11 рабочых розных прадпрыемстваў, якіх затрымалі па справе «Рабочага руху». Агульная колькасць палітычных зняволеных — 702 чалавекі. Яшчэ 30 ліпеня ў краіне іх было 600, то-бок за два месяцы іх колькасць вырасла на сотню.
Спіс новых палітвязняў Беларусі:
- Сяргей Шэлест, былы апаратчык цэха «Аміяк-3»;
- Андрэй Пагерыла, былы слесар-рамонтнік цэха «Аміяк-3»;
- Уладзімір Жураўка, былы аператар ДПК цэха «Аміяк-3»;
- Валянцін Цераневіч, памочнік майстра на заводзе «Хімвалакно», намеснік старшыні Беларускага незалежнага прафсаюза «Гродна Азота»;
- Дзмітрый Елісееў, супрацоўнік БМЗ;
- Святлана Зыль, былая супрацоўніца БМЗ;
- Аляксандр Гашнікаў, супрацоўнік БМЗ;
- Сяргей Дзюба, Беларуская чыгунка;
- Максім Саковіч, старшы энергадыспетчар Беларускай чыгункі;
- Ганна Аблаб, Беларуская чыгунка;
- Аляксандр Капшуль, былы юрысконсульт ААТ «Нафтан», завода «Палімір».
Паводле інфармацыі праваабаронцаў, яны затрыманыя па падазрэнні ў здрадзе дзяржаве. Некаторыя затрыманыя падазраюцца ў змове ці іншых дзеяннях, учыненых з мэтай захопу дзяржаўнай улады. Таксама дзяржаўныя СМІ паведамілі пра завядзенне крымінальнай справы за стварэнне экстрэмісцкага фармавання: затрыманні звязваюць з дзейнасцю арганізацыі «Рабочы рух», прызнанай уладамі экстрэмісцкай.
У інтэрнэт злілі перапіску Кавалеўскага і Ціханоўскай. Але канцоў не знайсці31
Каментары