ЕС прапанаваў часткова замарозіць пагадненне аб спрашчэнні візавага рэжыму з Беларуссю, у прыватнасці, пастрожыўшы ўезд для беларускіх афіцыйных асоб у адказ на міграцыйны крызіс.
Пра гэта гаворыцца ў распаўсюджанай у сераду заяве еўракамісара па ўнутраных справах Ілвы Ёхансан, паведамляе ТАСС.
«Еўрапейская Камісія прапануе прыпыніць дзеянне шэрагу артыкулаў пагаднення аб спрашчэнні візавага рэжыму з Беларуссю. Гэта рашэнне з'яўляецца адказам на спробы беларускага рэжыму дэстабілізаваць ЕС і яго краіны шляхам інструменталізацыі нелегальнай міграцыі», — гаворыцца ў заяве.
«Гэта абмежаванне не закране простых грамадзян, а толькі ўрадавых чыноўнікаў і ўладальнікаў дыпламатычных пашпартоў Беларусі», — заявіў у сваю чаргу на брыфінгу ў Брусэлі намеснік кіраўніка Еўракамісіі ў прасоўванні еўрапейскага ладу жыцця Маргарыціс Схінас.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі12
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3939
Каментары