ES prapanavaŭ častkova zamarozić pahadnieńnie ab spraščeńni vizavaha režymu ź Biełaruśsiu, u pryvatnaści, pastrožyŭšy ŭjezd dla biełaruskich aficyjnych asob u adkaz na mihracyjny kryzis.
Pra heta havorycca ŭ raspaŭsiudžanaj u sieradu zajavie jeŭrakamisara pa ŭnutranych spravach Iłvy Jochansan, paviedamlaje TASS.
«Jeŭrapiejskaja Kamisija prapanuje prypynić dziejańnie šerahu artykułaŭ pahadnieńnia ab spraščeńni vizavaha režymu ź Biełaruśsiu. Heta rašeńnie źjaŭlajecca adkazam na sproby biełaruskaha režymu destabilizavać ES i jaho krainy šlacham instrumientalizacyi nielehalnaj mihracyi», — havorycca ŭ zajavie.
«Heta abmiežavańnie nie zakranie prostych hramadzian, a tolki ŭradavych čynoŭnikaŭ i ŭładalnikaŭ dypłamatyčnych pašpartoŭ Biełarusi», — zajaviŭ u svaju čarhu na bryfinhu ŭ Bruseli namieśnik kiraŭnika Jeŭrakamisii ŭ prasoŭvańni jeŭrapiejskaha ładu žyćcia Marharycis Schinas.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary