У Нямеччыне затрымалі беларуса, які вёз у фургоне 41 нелегала з Ірака і Сірыі
49-гадовы беларус затрыманы ў нямецкай зямлі Брандэнбург. Паводле інфармацыі мясцовай паліцыі, мужчына нелегальна перавёз праз мяжу больш за 40 мігрантаў.
Групу мігрантаў — усяго 41 чалавек — спынілі на дарозе недалёка ад горада Рагаў-Мерц.
У паліцыю пра групу нелегалаў паведамілі мясцовыя жыхары. Людзі аказаліся грамадзянамі Сірыі і Ірака, сярод мігрантаў была адна жанчына і двое дзяцей.
Высветлілася, што незадоўга да гэтага нелегалаў прывёз на невялікім грузавіку-фургоне грамадзянін Беларусі. Яго затрымалі, а транспартны сродак канфіскавалі.
Каментары