Украінцы ўпершыню нанеслі ўдар у Данбасе ўдарным дронам ВІДЭА
Узброеныя сілы Украіны ўпершыню ўжылі ўдарны дрон «Байрактар» (Bayraktar) на Данбасе. Беспілотнік купілі ў Турцыі.
Беспілотнік ударыў па батарэі сепаратыстаў, якіх падтрымлівае Расія, што сёння абстраляла сяло Гранітнае і разбурыла дамы мірных жыхароў.
Для працы на адлегласці больш за 15 км вырашылі выкарыстоўваць менавіта «Байрактар» — каб захаваць жыццё, цывільных і ваенных.
Пацверджана знішчэнне аднаго разліку варожай артылерыйскай сістэмы, астатнія пакінулі свае пазіцыі.
У маі стала вядома, што ў Турцыі для Украіны рыхтуюць да перадачы новыя ўдарныя сярэдневысотныя беспілотныя лятальныя апараты Bayraktar TB2.
Тады ў Мінабароны Украіны паведамлялі, што новая партыя турэцкіх дронаў паступіць на ўзбраенне Ваенна-Марскіх Сіл Украіны па пагадненні, падпісаным паміж Украінай і Турцыяй. Аднак даты не называлі.
Таксама ў Мінабароны Украіны казалі, што ўкраінскае войска не проста атрымае беспілотныя апараты з узбраеннем, а паўнавартасную сістэму, якая будзе выкарыстоўвацца для выканання шэрагу важных задач.
У апошнія гады дроны сталі зброяй, здольнай змяняць ход ваенных канфліктаў. У прыватнасці, турэцкія дроны сыгралі важную ролю ў Карабахскай вайне. Таксама дроны актыўна выкарыстоўваліся амерыканцамі падчас інтэрвенцый у Афганістане і Сірыі. З іх дапамогай амерыканцы змаглі знішчаць лідараў баевікоў з радыкальных ісламісцкіх груп. Дроны з'яўляюцца адносна танным узбраеннем, здольным вырашаць шырокі спектр баявых задач. Крытыкі гэтага ўзбраення мяркуюць, што з шырокім выкарыстаннем дронаў кошт ліквідацыі чалавека стаў настолькі нізкім, што дронамі могуць пачаць актыўна карыстацца тэрарыстычныя групы, альбо ўрады аўтарытарных дзяржаў для кропкавай ліквідацыі апазіцыянераў і дысідэнтаў.
Памёр 50-гадовы спецназавец Буцько. Ён быў удзельнікам выкрадання і забойства Захаранкі і Ганчара36
Каментары